TETESI KUTOKA BARANI ULAYA: HART, FABREGAS, BALLOTELLI, EVANS, FONTE, KOULIBALY, KLOPP, MAHREZ
Golikipa Joe Hart, 29, amewaambia wachezaji wenzake wa Manchester City kuwa ataondokoa klabuni hapo kabla ya kufungwa kwa dirisha la usajili. (Chanzo Daily Mirror)
Kiungo wa Rangers Joey Barton amesema kitendo anachofanyiwa Hart na City ni “cha kuchukiza”. (Chanzo Talksport)
Kiungo wa Chelsea Cesc Fabregas, 29, atakataa ofa ya kwenda Juventus ili kubaki na kupigania nafasi yake hapo Stamford Bridge msimu huu. (Chanzo Evening Standard)
Hertha Berlin inafikiria kutoa dau kwa kiungo wa Arsenal na Ujerumani Serge Gbabry, 21. (Chanzo Bild)
West Brom wanamatumaini ya kumpata winga Jeff Schlupp, 23, kutoka Leicester City, licha ya kuambiwa mchezaji huyo hataondoka msimu huu. (Chanzo Leicester Mercury)
West Brom wamepanga kukataa dau la paundi millioni 16 kutoka kwa Arsenal la kumtaka beki Jonny Evans, 28. (Chanzo Sun)
Meneja wa Southampton Claude Puel amesema nahodha Jose Fonte, 32, hajaathiriwa na habari zinazomuhusisha na kuhamia klabu ya Manchester United. (Chanzo Daily Mail)
Derby Country na Fulham wote wanamatumaini ya kumpata mshambuliaji wa Manchester United James Wilson. (Chanzo Daily Telegraph)
Benfica, Sevilla na Valencia wote wanataka kumsajili kiungo wa Liverpool Luis Alberto, 23. (Chanzo Cadena Sur, kupitia Daily Star)
Chelsea wanajiandaa kutoa dau kubwa kwa beki wa Napoli Kalidou Koulibaly, 25, ambaye anatajwa kuwa na thamani ya paundi millioni 40. (Chanzo Daily Mirror)
Meneja Jurgen Klopp ameiingiza staili ya uchezaji wake Liverpool mapema mno, amesema kocha mpya Inter Milan Frank de Boer. (Chanzo Gazzetta dello Sport)
Shabiki wa Arsenal ameamua kuigawa jezi yake ambayo aliiandika “Mahrez 26” kwa duka la kutoa misaada baada winga huyo kusaini mkataba wa miaka minne na Leicester City. Awali shabiki huyo aliweka picha kwenye mtandao wa tweeter akiwa amevalia jezi hiyo kwa kuwa aliamini the Gunners wangeweza kumsajili winga huyo machachari kutoka Leicester City. (Chanzo Metro)
EmoticonEmoticon